ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Վերացնել իմունականխարգելման խնդիրները
Եվրոպական տարածաշրջանում 2004 թվականից իրականացվում է «Իմունականխարգելման եվրոպական շաբաթ» նախաձեռնությունը` իմունականխարգելման մասին հանրության իրազեկվածությունը բարձրացնելու, պատվաստումների միջոցով բնակչությանը վարակիչ հիվանդություններից զերծ պահելու նպատակով: Այս տարի «Իմունականխարգելման եվրոպական շաբաթ» նախաձեռնությունը մեկնարկել է ապրիլի 20-ին և կշարունակվի մինչև ապրիլի 25-ը:
Այս տարի «Իմունականխարգելման եվրոպական շաբաթ» նախաձեռնության ուղերձն է. «Վերացնել իմունականխարգելման խնդիրները», նպատակը` պատվաստանյութերի օգնությամբ հիվանդություններից պաշտպանել բոլոր տարիքի անձանց:
Ակնհայտ է, որ իմունականխարգելումն առողջապահության ոլորտում ամենաարդյունավետ ռազմավարություններից է, երբ փոքր ներդրումներով մեծ արդյունքներ են ապահովվում։
2015 թվականի «Իմունականխարգելման եվրոպական շաբաթ»-ը նոր ազդակ կհաղորդի և կակտիվացնի բնակչության իրազեկմանն ուղղված միջոցառումները, որոնք կնպաստեն պատվաստումների պահանջարկի բարձրացմանը, ինչպես նաև պատվաստումների իրականացման արդյունավետությանը:
Պատվաստանյութերի լայնածավալ կիրառումն ամբողջ աշխարհում մեծ հեղափոխություն էր վարակիչ հիվանդությունների դեմ պայքարի գործում, ընդհուպ՝ մինչև դրանց վերացումը։ Արդյունքում` աշխարհում, ընդհանուր առմամբ, կտրուկ նվազել է ինչպես կառավարելի (պատվաստումներով հսկվող) հիվանդությունների մակարդակը, այնպես էլ՝ այդ հիվանդությունների պատճառով մահվան դեպքերը:
Առողջապահության համաշխարհային կազմակերպության տվյալներով` յուրաքանչյուր տարի պատվաստումների շնորհիվ աշխարհում 2-3 մլն կյանք է փրկվում:
Իմունականխարգելման նվաճումները հանրությանը կարծես թե հանգստացրել են և ձևավորել կարծիք, որ այժմ հազվադեպ հանդիպող վարակների դեմ այլևս պատվաստվելու անհրաժեշտություն չկա: Այս վերավերմունքը բավական վտանգավոր է և կարող է հանգեցնել այդ ծանր վարակիչ հիվանդությունների բռնկումների։
1995 թվականից Հայաստանի Հանրապետությունում այլևս չի արձանագրվում պոլիոմիելիտ, որն իրականություն է դարձել պատվաստումների շնորհիվ: 2002 թվականից Հայաստանը, ի թիվս եվրոպական տարածաշրջանի այլ երկրների, համարվում է «պոլիոմիելիտից ազատ» երկիր և մինչ օրս հաջողությամբ պահպանում է այս կարգավիճակը: 1994-1995 թվականներին հանրապետությունում իրականացված դիֆթերիայի դեմ զանգվածային պատվաստումների շնորհիվ կայունացել է համաճարակային իրավիճակը դիֆթերիայի առումով և վերջին 15 տարվա ընթացքում չեն աձանագրվել դիֆթերիայի դեպքեր:
Հայաստանում 2007 թվականին կարմրուկի, կարմրախտի դեմ իրականացված զանգվածային պատվաստումներից հետո չեն արձանագրվում կարմրուկի և կարմրախտի տեղական դեպքեր, այն դեպքում, երբ աշխարհի մի շարք երկրներում (ԱՄՆ, Ռուսաստան, Գերմանիա, Ֆրանսիա, Վրաստան, Ղազախստան և այլն) կարմրուկը և կարմրախտը լուրջ խնդիր են:
Մանկական մահացության շարունակական նվազմանը նպաստել են վերջին տարիներին հանրապետությունում ներդրված ռոտավիրուսային և հեմոֆիլուսային Բ բաղադրիչով հնգավալենտ պատվաստումները: Ռոտավիրուսային պատվաստումների ներդրումից հետո բոլոր տարիքային խմբերում դիտվել է հոսպիտալացման մակարդակի կտրուկ նվազում՝ մոտ չորս անգամ, հատկապես պատվաստման ենթակա մինչև 1 տարեկան երեխաների խմբում:
Հնգավալենտ պատվաստումների շնորհիվ` հանրապետությունում մինչև 5 տարեկան երեխաների շրջանում մոտ 4 անգամ նվազել է մենինգիտներով հիվանդացությունը, Պնևմակոկային վարակների կանխարգելման և վերահսկման նպատակով 2014 թվականի սեպտեմբերից Պատվաստումների ազգային օրացույցում ներդրվել են պնևմակոկային պատվաստումները, որն իր հերթին նպաստելու է մանկական մահացության և հաշմանդամության շարունակական իջեցմանը:
Թե´ պետության և թե´ միջազգային կազմակերպությունների կողմից գնված բոլոր պատվաստանյութերն ունեն ԱՀԿ-ի կողմից նախաորակավորում՝ որակի սահմանված չափորոշիչներին համապատասխան արտոնագրեր:
Այսօր Հայաստանում կան բոլոր պայմանները ներկրվող որակյալ պատվաստանյութերը պատշաճ պահպանելու և տեղափոխելու համար: Հանրապետության տարածքում պատվաստանյութերի տեղափոխումն իրականացվում է սառնարան-մեքենայով և սառնարան-պայուսակներով` 24-ից մինչև 48 ժամ պահպանելով անհրաժեշտ 2°-8° ջերմաստիճանը, իսկ պատվաստում կատարող բոլոր ծննդատներն ու ամբուլատոր-պոլիկլինիկական կազմակերպություններն ապահովված են պատվաստանյութերի պահպանման հատուկ սառնարաններով:
Մի մոռացե´ք ժամանակին այցելել Ձեր տեղամասային պոլիկլինիկա կամ ամբուլատորիա: Ժամանակին արված պատվաստումը կկանխի վարակիչ հիվանդություններով հիվանդացումը` առաջացնելով կայուն պաշտպանություն:
Հիշե´ք, պատվաստումը վարակիչ հիվանդություններից ապահով պաշտպանության միակ միջոցն է:
20.04.2015
|
|||||||||||||||||||||||||||||||||||
Կարդացեք նաև
14.05.2025
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
-
«Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
-
Ժողովրդական դեղամիջոցներ
-
Հղիություն. 4-րդ ամիս
-
Հղիություն. 7-րդ ամիս
-
Կոճապղպեղ նույնն է՝ իմբիր, Ginger եւ Zingiber Officinale
-
Հղիություն. 6-րդ ամիս
-
Ամուսնական առաջին գիշերը
-
Հղիություն. 2-րդ ամիս
- 4-7 ամսական երեխաների սնուցումը
-
Խնձորը` պզուկների դեմ. ազատվիր նրանցից 1 գիշերվա ընթացքում
-
Ընկերության մասին
-
Ինչպես ազատվել անցանկալի մազերից
-
Դդում
-
Պարզվում է ապագա երեխայի սեռը կախված է մայրիկի սնունդից
-
Հիվանդություն, որը փոխում է մեր կյանքը` կրծագեղձի քաղցկեղ
-
Կոճապղպեղ՝ նիհարելու համար (կոճապղպեղի թեյ)
-
Սեռական գրգռում
-
Արգանդի միոմա. նախանշանները, պատճառներն ու բուժումը
-
Հղիություն. 1-ին ամիս
-
Չիչխանի օգտակար հատկությունները
-
Երիցուկ դեղատնային - Ромашка аптечная - Matricaria chamomilla L.
-
Քարավուզ (նույն ինքը՝ նեխուր)
-
Հեշտոցային արտադրության պատճառները. մասնագետի անդրադարձը
-
Ինչպես ազատվել բերանի վատ հոտից`պարզ միջոց
-
Կրծքի ցավե՞ր ունեք. ինչ անել
-
Դիմակներ` մազերի համար
-
Ընդհանուր տեղեկություններ մարմնի համակարգերի մասին
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Խոսենք այդ մասին. ձեռնաշարժություն
-
Հիվանդություն, որի համար պետք չէ ամաչել (թութք)
-
Ընտրություն ըստ հորոսկոպի
-
Հղիությունը և նախապատրաստվելը դրան
-
Հղիություն. 9-րդ ամիս
-
Երբ գլխացավն ախտանիշ է: Հանճարեղ և օժտված մարդկանց հիվանդություն
- Շաքարային դիաբետի բուժման ժամանակակից մոտեցումները
-
Լեղաքարային հիվանդություն. բուժման մեթոդները
-
Սեռական թուլության առաջին նախանշանները. news.am
-
Հղիություն. 8-րդ ամիս
-
Ուլտրաձայնային դոպլերոգրաֆիա (երկակի (դուպլեքս) անոթների)
- Ցերվիցիտի (էնդոցերվիցիտի) կլնիկաձևաբանական բնութագիրը (գրական ակնարկ)















Գիտական բժշկություն
Հիվանդություններ
Ավանդական բժշկություն
Առողջ ապրելակերպ
Կոսմետոլոգիա
Բժշկական իրավունք
Ալգորիթմեր, թեստեր
Թվեր, փաստեր, դեպքեր
Պատմական խրոնիկա
Աֆորիզմներ
Կարիերային սանդուղքով
Երեխա
Կին
Տղամարդ
Ռեյթինգային համակարգ







